Spěwy z brunicowych kónčin
Budyšin/Zły Komorow. Projektny žónski chór pod nawodom serbskeje jazzoweje spěwarki Walburgi Wałdźic předstaji jutře a njedźelu program nowowobdźěłanych spěwow z brunicowych kónčin – ze Slepoho a z Delnjeje Łužicy. Prěni koncert je jutře, sobotu, w 19.30 hodź. w Budyskim Serbskim muzeju, druhi zajutřišim, 19. julija w 17 hodź. w Złokomorowskej Serbskej cyrkwi. Pólska huslerka Izabela Kałduńska wokalne zynki na huslach přewodźa. Projekt z lońšeho fondsa „Čiń sobu!“ spěchuje Sakska.
Wuměłstwowe wiki na hrodźe
Njeswačidło. Na Njeswačanskim baroknym hrodźe přewjedu jutře wot 11 do 18 a njedźelu wot 10 do 18 hodź. 5. wuměłstwowe wiki. Tam móža sej zajimcy přewšo zajimawe kaž tež drohotne wudźěłki ze złota, slěbra, hliny a pórclina, drjewa a papjery, ze škleńcy a płatu wobhladać a kupić.
Swjećić na Jerjowej
