Z čołmom po wulkim haće

Němske Pazlicy. Towarstwo Natwar Němske Pazlicy poskićuje wotnětka zaso čołmowanske tury po Němskopazličanskim wulkim haće – najwjetše to přirodne stejace wódnišćo Łužicy. Wuměnjenje je krute dodźerženje hygienowych předpisow. Wotpowědne terminy hodźa so pod telefonowymaj čisłomaj 0151 / 22 24 61 27 a 0 35 78 / 30 84 29 knihować.

Serbski sejm zjawnje wuradźuje

Njebjelčicy. Serbski sejm so jutře, 12. junija, wot 11 do 18 hodź. znowa schadźuje. Planowane ćežišća zjawneho posedźenja budu mjez druhim rozhłosowa rada MDR, rewitalizacija delnjoserbšćiny a ratifikacija ILO-konwencije 169 za indigene ludy. Nimo čłonow gremija maja tež wšitcy dalši zajimcy składnosć so słowa jimać. Ryzy digitalne wuradźowanje je pod www.posejzenje.serbskisejm.de přistupne.

Papjerjane łódźe paslić