Přesadźuja tworjace wuměłstwo

Ochranow. Wjace hač sto mólbow łužiskich a z Łužicu zwjazanych wuměłcow čaka na nowych wobsedźerjow. Awkciju Załožby za wuměłstwo a kulturu w Hornjej Łužicy wotměja jutře, 23. oktobra, w 14 hodź. na Zinzendorfskim hrodźe w Batromjecach (Berthelsdorf). Přesadźenje hodźi so tež online sćěhować, a to pod . Tam móža so zajimcy zdobom ­registrować a oferty sposrědkować.

Wuměłske spěwy w muzeju

Budyšin. Spěwar Roland Hein a pianist Hiroto Saigusa wuhotujetaj njedźelu, 24. oktobra, w 15 hodź. koncert na žurli Budyskeho Serbskeho muzeja. Nimo wuběra „najrjeńšich wuměłskich spěwow Johannesa Brahmsa a Huga Wolfa“ předstajitaj wonaj tež „Swjatojansku nóc“ z klawěrneho cyklusa „Ze serbskich honow“ Bjarnata Krawca. Zastup je darmotny, płaći prawidło 3G.

Roman Knižka čita