Dalša digitalna schadźowanka

Choćebuz. Kaž hižo hornjoserbski pendant minjeny kónc tydźenja Załožba za serbski lud tež lětušu 37. schadowanku ryzy digitalnje wuhotuje. Pod móža sej zajimcy program jutře, sobotu, wobhladać. Livestream započnje so w 19 hodź. Program zwoprawdźa „wjacore delnjoserbske skupiny a iniciatiwy“, wo hudźbne wobrubjenje postaraja so skupina Brankatschki, šansoneta die Herrmann a DJ Tobi.

„Dźiwi zapad“ a samotne kupy

Dešno. Domizniski muzej Dešno wěnuje swoju lětušu hodownu wustajeńcu z drjewom tworjacemu wuměłcej Fredej Kunzy. Pod nadpismom „Saksa na pućowanju – Dyrdomdeje pola Indianow, pola z přirodu zwjazanych ludow a na samotnych kupach“ pokazuja z truženymi figurami sceny z „noweho swěta“ a z oceaniskich atolow. Wernisaža budźe zajutřišim, njedźelu, w 13 hodź. Přizamknje so hodowne spěwanje chóra Łužyca. Přehladka je hač do klětušeho 20. měrca přistupna, a nic jenož w regularnym wopytowanskim času, ale tež adwentne njedźele a hodowne swjate dny.

Wirtuelny adwentny kalender