Swójbny swjedźeń

Trjebin. Domowinska skupina Trjebin přeprošuje njedźelu, 29. meje, na swójbny swjedźeń. Wot 10 hodź. čakatej na tamnišim Hanza Šusterowym statoku mjez druhim „disko za dźěći“ a skakanišćo na wopytowarjow. Wo kulturne wobrubjenje postaratej so mjez druhim dźěći pěstowarnje „Lutki“ a kuzłańča Zauberkathrin. Kulinariski poskitk wopřijima na přikład regionalne, typiske serbske kaž tež italske speciality.

Wo škiće pře wulku wodu

Budyšin. Zarjad za hospodarstwo, kulturu a zjawnostne dźěło města Budyšin wuhotuje póndźelu, 30. meje, w 17 hodź. „informaciske zarjadowanje nastupajo naprawy za škit přećiwo wulkej wodźe podłu Albrechtowki“, wusměrjene předewšěm na bydlacych při Čornobóskej a Gneisenauowej resp. mějićelow tamnišich ležownosćow, dalši zajimcy pak su tohorunja witani. Mjez druhim chce zamołwity planowanski běrow wo „aktualnym stawje a móžnym wotběhu twarskich naprawow“ informować, a to na žurli Budyskeje sukelnicy.

Prezentuja wudźěłki dźěłarnički