„Zusowy camp“ za młodostnych

Wojerecy. Konrada Zusowy kompjuterowy muzej ZCOM, krajny zwjazk Sakskich młodźinskich kubłanskich skutkow, Spěchowanske towarstwo Konrada Zusoweho foruma Wojerecy a dalši partnerojo we wobłuku projekta MINOS-MINT wuhotuja wospjet „Zusowy camp“, a to wot póndźele, 7. awgusta, do slědowaceho pjatka stajnje wot 9 do 16 hodź. Wobdźělić móža so „wšitke zajimowane šulerki a šulerjo 7. do 9. lětnika“. Poskićeja so na praksu wusměrjene dźěłarnički na přikład k historiskej ličenskej technice, dźěłowym systemam, programěrowanskim rěčam a aktualnym nałožowanjam nastupajo social media. Młodostni so cyłodnjowsce hladaja a zastaruja. ­Zarjadowanja wotměja so přewažnje w ZCOM. Młodostni su we wobłuku campa zawěsćeni (rukowanske a njezbožowe zawěsćenje). Jako wobkrućenje wo wobdźělenju dóstanu certifikat. Kaž zarjadowarjo zdźěla, su hišće swobodne městna. Přizjewjenje je krótkodobnje z mejlku na abo telefonisce pod čo. 03571 2096076 móžne. Popłatk na wosobu wučinja 40 eurow.

Literarne wodźenje a rarity