Zahaja sezonu

Budyšin. Pod hesłom „Sylnej žonje w Budyšinje“ zahaja dźensa, pjatk, w 17 hodź. sezonu socio-dźiwadłoweho Thespis-centruma. W tym wobłuku prezentuja „ukrainsko-syriske reflekcije“ z wuměłčomaj Lisa Dawa a Jana Humenna. Zastup je darmotny.

Nazymska runonócnosć

Budyšin. Składnostnje astronomiskeho spočatka nazymy a nazymskeje runonócnosće (Tagundnachtgleiche) přeproša Budyska hwězdarnja dźensa, pjatk, na zabawny wječor. We 18 hodź. sposrědkuja w słucharni z krótkim přednoškom „wosebite kalendrowe daty“ a nowowunamakanku Geochron. Je to swětowy časnik z jimacymi grafiskimi zwobraznjenjemi, kotrež spočatk nazymy tež wizuelnje pokazaja. Refraktor cesis, jedyn z teleskopow, smě so za wobkedźbowanje njebjeskeho objekta wužiwać.

Lochke pućowanje za wšitkich

Minakał. Sej z Minakałskim plećerjom korbow Thomasom Scheffelom swět wjerbow wotkryć abo wjace wo rjemjesle a medicinje zhonić, to móža zajimowani pjatk wot 10 do 12 hodź. při cyrkwi w Minakale. Přizjewić móžeće so telefonisce pod čo. 035934 6365 abo z mejlku na .