Erfurt (dpa/SN). Durinski ministerski prezident Bodo Ramelow njewuzamkuje, zo dóńdźe po wólbach krajneho sejma w septembru ke koaliciju třoch stron z CDU a zwjazkom Sahry Wagenknecht. „Najprjedy raz wojuju wo to, zo dóstanu wot wolerjow nadawk, nowe knježerstwo wutworić, rjekny politikar Lěwicy nowinarjam. Jenička strona, z kotrejž Ramelow dźěłać nochce, je AfD. Lěwica dóstawa tuchwilu w Durinskej jědnaće procentow hłosow, AfD 28, CDU 23 a Zwjazk Sahry Wagenknecht 21 procentow.

Zelenskyj přilubja milinu

Kijew (dpa/SN). Hač do přichodneje zymy chce ukrainski prezident Wolodymyr Zelenskyj ruskich nadpadow dla katastrofalne zastaranje z milinu w kraju polěpšić. „Přihotujemy rozrisanja, kak móhli derje přez dobu tepjenja přińć a ludźom móžnosće skićić, tutón ćežki čas přetrać“, rjekny Zelenskyj w swojim widejowym poselstwje. Kijew chcył za to dalšich partnerow mobilizować.

Habeck w Južnej Koreji