Poměrnje młody sport zahorja mnohich
Spočatki hry při wysokim saku w Serbach bě w lěće 1949 w Budyšinje: Na zahrodźe internata tehdyšeje Serbskeje wyšeje šule na Walskej čo. 6 hrajachu starši šulerjo wot septembra při rjanym wjedrje po wječorach wolejbul. Tutu sportowu družinu běchu we Warnoćicach/Varnsdorfje zeznali. W susodnej Čěskej bě wona znata, pola nas pak lědma. Kolebka wolejbula w Němskej steješe w Hornjej Łužicy z ćežišćom Žitawa. Z druheje strony hranicy běchu mnozy přesydlency přišli. Bjez dźiwa tuž, zo bu Žitawa potom tež prěni mišter NDR.
Sakski mišter młodźiny
