Nade wšěm lubosć

Budyšin. Skupina LAAWA a Budyski basnik Andreas Hennig předstajitaj jutře, sobotu, hudźbno-literarny program „Über allem die Liebe“. Poetiski podźěl připowědźa jako kaleidoskop „potajnych, erotiskich, radostnych a tragiskich wokomikow dwajsamotnych, třisamotnych a samotnych čłowjekow a zwěrjatow“. Hudźbnicy Luisa Wizisla kaž tež Anja, Alban a Wenzel Konjen „spěwaja, šeptaja a juskaja so přez žanry“. Zarjadowanje wotměje so na žurli ewangelskeho młodźinskeho zetkawanja TiK Při měšćanskim nasypje w Budyšinje a započnje so w 20 hodź. Zastup płaći 9 resp. potuńšeny 7 eurow.

Sie a Zöllner koncertujetaj

Wodowe Hendrichecy. „Pop za dorosćenych“ prezentuja Budyska spěwarka Manuela Sie, skupina Die Besseren Herren z čłonami z Drježdźan, Lipska a Budyšina kaž tež „Berlinski rockowy poet“ Dirk Zöllner jako hósć jutře, sobotu, w koncertnym domje C. Bechstein VielHarmonie při Mandawje we Wodowych Hendrichecach. Koncert „połny wulkotnych melodijow w zabawnych strukturach“ započnje so w 20 hodź, zastup płaći 20 eurow.

Zakónča sezonu