Tradicionalny adwentny koncert

Budyšin. Chór 1. serbskeje kulturneje brigady a dźěćacy chór Serbskeho gymnazija Budyšin wuhotujetej jutře, sobotu, tradicionalny adwentny koncert, lětsa w Budyskej „čerwjenej“ cyrkwi Marje a Marty. Pod nawodom Judith Kubicec zaspěwaja šulerki a šulerjo w 17 hodź. sadźby znatych serbskich, słowjanskich a mjezynarodnych (do)hodownych spěwow. Zastup je darmotny, pjenježne dary pak so njewotpokazuja.

„Wotmołwa na Crow a Jones“

Dźěžnikecy. Spěwarka a gitaristka Vanja Sky je jutře, sobotu, z hosćom na jewišću Dźěžnikečanskeje Kotołnje. W 21 hodź. chce „chorwatska wotmołwa na Sheryl Crow a Noruh Jones“ publikumej swój aktualny, mjez bluesom a tak mjenowanym classic rockom chabłacy album „Reborn“ předstajić, kotryž wuměłča sama „hommage na Roryja Gallaghera“ mjenuje. Zastup płaći 20 eurow.

Dwójce „cinematic pop“ Räubera