W Předźenaku 15. nowembra 2024 we wotrězku wo staroserbskimaj spěwomaj zdźěli so čitarjej, zo jedna so wo „dalši mytos …, zo stej spěwaj ‚Serbja so do Němcow hotowachu‘ a ‚Naše gólcy z wójny jědu‘ srjedźowěkowskeho pochada …“. Staj to spěwaj „wojakow z 18. abo 19. lětstotka“.
Tole ja cyle hinak widźu. Štóž měni, zo mějachu Serbja, słužacy w němskich uniformach, hdy swobodu, wójnske pěsnje zanjesć z tekstom, w kotrymž Serbja w bitwje Němcow poražeja, tón drje je němske kasarny dotal jenož wotwonka widźał. Zajimowali bychu mje fakty, kiž za tele časowe zarjadowanje pěsnjow rěča.
