Anke Moose bě kreatiwna žona bjez stracha. Dźěći ležachu konditorce a pjekarskej mišterce stajnje jara na wutrobje. Wona bě poslednja wobsedźerka pjekarnje w Běłym Chołmcu.

„Nochcyše hišće wumrěć. Wona so nadźiješe, zo móže swoju chorosć přewinyć“, dopomina so jeje bywši šulski direktor a dźensniši chronist Werner Thomas (93) w Běłym Chołmcu. Tola rak w jeje płucach bě sylniši. Anke Moose wjedźeše pjekarnju w Běłym Chołmcu w štwórtej generaciji. Z jeje smjerću skónči so 123lětna tradicija. Pjekarnju ­loni kónc awgusta zawrěchu.