Čitanje a diskusija w muzeju

Budyšin. We wobłuku aktualneje wosebiteje wustajeńcy „Jutta Mirtschin – Molerstwo, grafika, ilustracija, dźiwadło, plakat“ wuhotuje Muzej Budyšin dźensa, pjatk, čitanje a diskusiju pod hesłom „Frauenbildnisse in Literatur und Kunst“. Wuměłči poboku staj Berlinski basnik Jörn van Hall a Drježdźanska publicistka Karin Großmann. Wo hudźbne wobrubjenje postara so Budyska pianistka Anja Konjen. Zarjadowanje započnje so we 18 hodź., zastup płaći 7 eurow resp. potuńšeny 2 euraj; zajimcy pod 17 lětami maja bjezpłatny přistup.

Komedija w Nowoslicach

Ralbicy-Róžant. Lajska dźiwadłowa skupina Konjecy-Šunow předstaji tutón kónc tydźenja dwójce swoju aktualnu ­inscenaciju „Překlepani rentnarjo wědźa sej pomhać“ w swjedźenskej bróžni w Nowoslicach. Jutře, sobotu, pokazaja komediju w 17 hodź., přizamknje so wječer. Zajutřišim poskićuja wot 14.30 hodź. kofej a tykanc, předstajenje započnje so w 16 hodź.

Portret njewšědneje Židowki