Schadźowanje škitarjow přirody

Wojerecy. Přirodospytna towaršnosć Hornjeje Łužicy zeńdźe jutře, sobotu, wot 10 hodź. we Wojerowskim Konrada Zusowym kompjuterowym muzeju ZCOM. W srjedźišću lětušeho schadźowanja steja bahna, pěskowe krajiny, chójnowe lěsy a haty Łužicy. Zajimcy móža so jutře rano wot 9 hodź. přizjewić. Wobdźělenje je za sobustawow, přirodoškitnych pomocnikow, šulerjow a studentow darmotne, za nječłonow wučinja popłatk 5 eurow.

Poslednjej předstajeni

Nowoslicy. Lajska dźiwadłowa skupina Konjecy-Šunow njepředstaji kónc tydźenja swoju aktualnu inscenaciju „Překlepani rentnarjo wědźa sej pomhać“ w Haslowje, ale w Nowoslicach. Jutře, sobotu, pokazaja kriminalku-komediju z pjera Beaty Irmisch w zeserbšćenju Reginy Šołćineje w 17 hodź., poslednje před­stajenje slěduje zajutřišim, njedźelu, w 16 hodź. Na woběmaj předstajenjomaj poskićuja wječer resp. kofej a tykanc.

Změna hwězdnow w nalěću