Dźěłarnička na farje
Chrósćicy. Župa „Michał Hórnik“ přeprosy wutoru, 24. apryla, w 19 hodź. na dźěłarničku „Serbska narodna drasta – zhotowjenje a rjedźenje čěpcow a bantow“, a to na Chróšćansku faru. Nazhonite hotowańče pokazaja zajimcam zakłady, kak so čěpcy a banty zhotowjeja a rjedźa. Štóž wobsedźi swójsku drastu, njech jón prošu sobu přinjese. Nadrobniše informacije dóstanu zajimcy pod telefonowym čisłom 035796/96 254.
Porěči wo Krabaće
Kamjenc. Wo wuslědkach swojeho slědźenja wo Krabaće porěči Hans-Jürgen Schröter pjatk, 20. apryla, w 19 hodź. w Kamjenskej měšćanskej bibliotece w Lessingowym domje. Je to zarjadowanje biblioteki zhromadnje z měšćanskim stawizniskim towarstwom.
Kamjenc (SN/mwe). „W Kamjenskej chorowni maltezow swj. Jana je přeco dosć konserwow kreje. Hojernju naš kooperaciski partner, krejdarjenska słužba Němskeho čerwjeneho křiža (DRK) sewjer-wuchod, přewšo derje zastaruje“, piše Ines Eifler z běrowa za zjawnoste dźěło chorownje Serbskim Nowinam. „Njeje so hišće ženje stało, zo bě pola nas žiwjenje pacienta pobrachowaceje kreje dla wohrožene.“ Hdys a hdys pak móže k problemej rezerwy krejneje skupiny 0 rhesus negatiw (0/d) dóńć. „To je jara rědka skupina kreje, kotruž jenož něhdźe šěsć procentow ludźi tež w Hornjej Łužicy ma“, Ines Eifler podšmórny.
Miłoćicy (SN). Křesćansko-socialny kubłanski skutk (CSB) je minjeny štwórtk na Załomskej Gerharda Hauptmannowej wyšej šuli molowanske a rysowanske wubědźowanje zahajił. CSB přewjedźe je składnostnje lětušeho, 17. junija w klóštrje Marijinej hwězdźe wotměwaceho so swjedźenja w Pančicach-Kukowje. Dźěći a młodostni w starobje hač do 14 lět su namołwjeni, wobrazy, rysowanki, kolaže a dalše wuměłske dźěła na temu „Tu sym doma“ zapodać. Njech činja to z podaćom mjena, adresy a staroby pola CSB w Miłoćicach. Posledni termin zapodaća je 25. meja.
Nowa sezona při jězoru
Bjerwałd (SN). Nětko je tež wodosportowa sezona při najwjetšim jězoru Sakskeje zahajena. Wšitke planowane saněrowanske dźěła wokoło přibrjoha su zakónčene. Jenož mosćikowa płuwaca připrawa w Delnim Wujězdźe njehodźi so hišće wužiwać. W informaciskim centrumje Bjerwałdskeho jězora je nětko Regina Nickol nowa přistajena.
Keramiske dźěła widźeć
Dźěwinska gmejna chce hišće lětsa Zhorjelskemu wokrjesej próstwu wo wobstaranje hašenskeho jězdźidła (TSFW) za Brězowsku wohnjowu woboru stajić. Jězdźidło móže 700 litrow wody transportować.
Dźěwin (AK/SN). „Naše tuchwilne hašenske awto je 20 lět stare. Nowe je tuž nuznje trěbne.“ To podšmórny Olaf Hanusch, nowy nawoda Brězowskeje wohnjoweje wobory, po zašłym posedźenju Dźěwinskeje gmejnskeje rady. Radźićeljo próstwje 31lětneho jednohłósnje přihłosowachu. Hanusch je nawodnistwo wobory wot Stefanie Peto přewzał.
Tuchwilu ma Brězowska wohnjowa wobora, kotraž Dźěwinskej gmejnje přisłuša, 26 aktiwnych kameradow, mjez nimi tři žony. Nuznje pruwować dać chce wobora špundowanje hale, hdźež hašenske jězdźidło steji. Pod nim dźě su rumnosće Brězowskeje pěstowarnje „Baćonjace hnězdo“, kotraž je tohorunja w nošerstwje gmejny Dźěwin.
Štwórtk wuhrachu mustwa we wokrjesnej stafli wuchod swoje poslednje hry lětušeje sezony. Klóšterscy wolejbulisća mějachu domjacu lěpšinu a powitachu hrajerjow Sokoła Budyšin a z Hnašec-Dobruše do swójskeje hale. Z dobyćomaj kiwaše Pančičanam hišće druhe městno w tabulce – wězo pak běchu woni wotwisni wot tamnych wuslědkow.
ST Marijina hwězda – ST Hnašecy-Dobruša 2:1 (23:25; 25:10; 15:10)
SJ Chrósćicy II – ST Rakecy II 1:0 (0:0)
Zestawa domjacych: Matješk – Dórnik, M. Donat, Mark, Wowčer, J. Donat (70. Mohaupt), D. Bogusz, C. Šmit, Šołta, Liznar, D. Šmit (90. Klimant)
Kopańca, wokrjesna liga stafla II
Wojerecy – Wulka Dubrawa 3:0 (1:0)
ST Lubuš – SJ Njebjelčicy 0:4 (0:4)
HZ Łaz/Běły Chołmc – ST Ćisk II 1:2 (1:2)
SJ Chrósćicy II – Rakečanske ST II 1:0 (0:0)
FSV Łuty – HZ Wulke Ždźary 1:1 (1:0)
Marijina hwězda – Sepicy7:0 (4:0)
Němske Pazlicy – Sprjewja II 8:1 (4:0)
Haselbachtal – Nadr. Hrabowka 4:2 (2:1)
1. Natwar Němske Pazlicy 22 76 : 19 54
2. ST Marijina hwězda 22 58 : 23 42
3. SV Haselbachtal 20 62 : 32 41
4. ST Lubuš 22 50 : 36 41
5. HZ Łaz/Běły Chołmc 20 41 : 24 38
6. SJ Njebjelčicy 21 40 : 32 36
7. Wojerowski FC II 22 44 : 40 31
8. FSV Łuty 22 45 : 50 31
9. N. Město n. Sprjewju II 21 44 : 47 30
10. 1896 Wulka Dubrawa 22 44 : 52 30
11. ST Ćisk II 22 37 : 46 26
12. Nadrózna Hrabowka 22 41 : 57 22
13. Rakečanske ST II 21 25 : 48 21
14. HZ Wulke Ždźary 22 27 : 42 20
15. SJ Chrósćicy II 21 24 : 73 14
16. Zeleno-běli Sepicy 22 19 : 56 13
Wermsdorf (B/SN). Na koncerće spěwneho cyłka „Chór swětła spěwa chórale Bacha“ we Wermsdofskej cyrkwi su wjace hač 400 eurow za powšitkownowužitnu organizaciju Christoffelowa misija slepych zběrali. Z nimi ma so klinika w Indiskej sobu natwarić. Chór nasta před dźewjeć lětami z cyrkwinskich chórow regiona a ma mjeztym 40 spěwarjow. Nawodnica je kantorka a cyrkwinska hudźbnica Sigrid Schiel. Tradicija spěwarjow je, jónu w lěće přeprosyć na beneficny koncert na dobro Christoffeloweje misije.
Zakoń online