Wuběrki wuradźuja
To a tamne (18.10.16)
Štyri dźiwje swinje w zahrodowym basenku su w Schwäbisch-Gmündźe zasadźenje policije zawinili. Po informacijach policije běchu wone njedźelu do basenka padnyli a njemóžachu so hižo same wuswobodźić. Policisća, wohnjowi wobornicy a skótny lěkar spytachu jim pomhać. Najebać to so dwě swinjeći zatepištej, dalšej dyrbjachu zasparnić. Jenož ranca móžeše pool přez rampu wopušćić. Při basenku nasta škoda 5 000 eurow.
Swoju žonu nachwilnje zhubił je 70lětny hribar w badensko-württembergskim Gingenje. Jako wona na jeho wołanje njereagowaše, muž so starosćejo wo swoju žonu policiju zawoła. Wjacore wobsadki policajskich awtow a samo helikopter za žonu pytachu – podarmo. Ta bě so dawno na dompuć podała. Policija měješe zrozumjenje: „Štóž so woprawdźe starosći, smě policiju zawołać“, rěčnik zdźěli.
Ofensiwa zahajena
Mossul (dpa/SN). Irak je swoju připowědźenu ofensiwu na sewjeroirakske město Mossul zahajił. Kaž ministerski prezident kraja Haider al-Abadi w statnej telewiziji připowědźi, chcyli terorizm a teroristisku skupinu Islamski stat, kotraž ma Mossul pod kontrolu, hišće lětsa přemóc. Al-Abadi namołwješe Mossulčanow knježerstwowe jednotki podpěrać. Mossul je poslednja bastija milicy IS.
Wukročenja w jastwje
Boa Vista (dpa/SN). Při rozestajenjach mjez cwólbami w brazilskim jastwje Boa Vista je wčera 25 jatych žiwjenje přisadźiło. Sedmjoch z nich su sćinali (hłowu wotćeli), a šesćoch spalili, zdźěla portal „O Globo“, powołujo so na policajskeho rěčnika. Po podaćach justicneho ministerstwa zwjazkoweho kraja Roraima stej cwólbje tež sto přiwuznych jatych za zastajencow wzali. Situacija je o změrowana.
Přepytowanje připowědźene
Z rozmołwami ze swědkami, ze slědźenjemi a we wobłuku ...
Socialisća wólby jasnje dobyli
Hornja Łužica hosći přićahuje
Zhromadnosć wuzběhnyli
Collegium Polonicum w Słubicach 25. róčnicu załoženja woswjećił
Słubice/Frankfurt n. W. (RD/SN). Prěnja němsko-pólska wědomostna institucija, Collegium Polonicum w Słubicach, je minjeny štwórtk 25. róčnicu swojeho załoženja woswjećiła.
Integrowanje tež ze studijom
To a tamne (17.10.16)
Z nimale tři promilemi alkohola w kreji je policija wčera w hessenskim Heidenrode busoweho šofera lepiła. Do toho bě wobydlerce spodźiwne wašnje jězdźenja napadnyło a tuž přiwoła zastojnikow. Z pomocu jězbneho plana je policija bus a wodźaceho šofera skónčnje našła, kotryž bě z dwěmaj wosobomaj po puću do Wiesbadena. Jězba so na městnje skónči. 45lětnemu jězbnu dowolnosć hnydom sćazachu.
Najstarši wobydler Němskeje je 111lětny Gustav Gerneth ze saksko-anhaltskeho Havelberga. Kaž wón tamnišemu měšćanosće při telefonje zdźěli, nochce na swojich narodninach hižo žadyn wopyt. Jenož ze swójbu chce sej skibku tykanca zesłodźeć dać. Tak a tak je tuchwilu infekta dla trochu słaby. Přiwšěm bydli Gerneth w swójskim bydlenju, hdźež jeho swójba sobu zastaruje.
Klětuši etat załožby w naćisku steji
Komisija Załožby za serbski lud je wčera w Choćebuzu přichodne posedźenje załožboweje rady 22. nowembra w Podstupimje přihotowała. Hłowne ćežišćo bě při tym etat za lěto 2017.
Choćebuz (SN/JaW). Naćisk klětušeho hospodarskeho plana Załožby za serbski lud steji. To zdźěli załožbowy direktor Jan Budar na naprašowanje našeho wječornika. „Wudawki kryja so z dochodami a plan wobsahuje tež dojednane přiražki spěchowanym institucijam“, tak Budar. Wo móžnych změnach w financnym połoženju wón ničo njepraji, skedźbnjejo na to, zo móže so w diskusiji na załožbowej radźe stajnje hišće něšto změnić, wšako jedna so wo naćisk. Hakle hdyž je załožbowa rada etat wobzamknyła, je wón tež płaćiwy.
