Drježdźany (B/SN) Židowske žiwjenje w sakskej stolicy saha hač do spočatka měšćanskich stawiznow w 13. lětstotku. Rešerše wo tym su w lěće 2001 Drježdźanskej synagoze w 17 zwjazkach přepodali. Kniha „Buch der Erinnerung. Juden in Dresden – deportiert, ermordet, verschollen. 1933 – 1945“ rysuje dóńty 2 000 ludźi. Do lěta 1933 bydleše w Drježdźanach 7 100 židow, po wójnje zličichu jich jenož hišće 41. W lěće 2022 mějachu w třoch židowskich wosadach zaso 730 ludźi. 323 plesternakow-kopolakow tam dźensa na wosudy w nacionalsocializmje morjenych dopomina.
Swojoraznosć wobkedźbować
Frankfurt n. M. (B/SN). Zamołwity za cyrkwinske prašenje frakcije CDU w Zwjazkowym sejmje Němskeje Thomas Rachel knježerstwu w nowinje FAZ wumjetuje, zo nabožinu zanjecha. Wone njespóznawa „kulturne a nabožne swojoraznosće ani w swojim kraju ani w partnerskich krajach swěta“. Wón mjenuje spřisahanje ministrow bjez poćaha k Bohu, šmórnjenje přisłušnosće k nabožinje w personalnym registru, planowane zakryće bibliskich citatow na kupoli Berlinskeho měšćanskeho hrodu a dalše.
Žada sej wuradźowanje
