ST Hnašecy/Dobruša –

DJK Sokoł Ralbicy/Hórki 3:0 (2:0)

Zestawa hosći: Chr. Gloxyn – Matka, An. Wałda, A. Wałda, Rachel, Šiman (62. Kunze), Rawš, Korjenk, D. Šołta, Kurjat, P. Šołta

Po wysokim dobyću přećiwo Łazej chcychu Sokoljo w Hnašecach/Dobruši na pokazany wukon nawjazać. Pobrachowacych hrajerjow dla bě to ćežki nadawk.

Domjacy hnydom sylny ćišć wukonjachu a mócnje nadběhowachu. Škit Ralbičanow njebě hišće prawje zahraty a hižo steješe 1:0. Po flance z praweje strony steješe Lucas Mörl swobodnje a docpě bjez problemow nawjedowanje (4.) Sokoljo mějachu dobru šansu na wurunanje z wólnym kopom blisko šěsnatki. Pospyt Měrćina Kurjata pak wrotar k róžkej wotwobara. Po běrtlk hodźinje postaji sudnik jědnatku. Tutu Kebschull wěsće přetwori. Domjacy hru dale postajowachu a Sokołam so w ofensiwje wjele njeporadźi. Tak traješe hač k 40. min., doniž so porjadny nadběh njeporadźi. Po rjanej kombinaciji bu Pawl Rachel na prawej stronje swobodnje hraty a měrješe so na wrota. Tola jeho pospyt so na dołhej žerdźi nimokuli. Škoda.