Digitalizacija w dobrym stawje – wšelakore zhromadnosće akceptować

Choćebuz (SN/bn). „Serbske žiwjenske rumy w digitalnej dobje“ je hesło dwu­dnjowskeho transdisciplinarneho foruma wo přitomnosći a přichodźe serbskeje digitalneje kultury, kotryž bu wčera w załoženskim centrumje „Startblock B2“ na campusu Braniborskeje techniskeje uniwersity Choćebuz-Zły Komorow (BTU) zahajeny. Organizatorojo su Serbski institut (SI), BTU a župa Delnja Łužica ze swojej powšitkownowužitnej twzr Dompro­.