Widźał,słyšał, napisał (17.04.23)
Awtor dźensa
Jurij Bjeńš
Pomału nachila so koparska sezona a nimale we wšěch ligach budźe lětsa hladajo na mišterstwo, postup a zestup najskerje hač do poslednjeho hrajneho dnja napjeće wostać. Štož so w prěnjej, druhej a tež třećej zwjazkowej lize stawa, wšak kóždy koparski fan w telewizoru abo interneće zhoni. W štwórtej, potajkim regionalnej lize, tłóču wosobinsce Energiji Choćebuzej palcy, zo steja na kóncu na słónčnym městnje tabulki. Jeli so to chowancam trenarja Claus-Dietera Wollitza poradźi, pak hišće do třećeje ligi postupić njesmědźa. W padźe mišterstwa wojuja potom hišće w dwěmaj partijomaj přećiwo mištrej regionalneje ligi Baworskeje wo postup. A to budźe z wulkej wěstosću SpVgg Unterhaching. Chětro sylny to přećiwnik, kiž bě po mojim měnjenju faworit. Hišće pak je wšitko spekulacija, kónc meje smy mudriši.
Sport (14.04.23)
Start do zeleneje sezony
Jěchanske sportowe towarstwo Kulow startuje njedźelu z konjacym turněrom do sezony 2023. Wot 10 hodź. do 17 hodź. změja w Kulowje wjacore wubědźowanja: 1. Křižne parcours-skakanje, 2. Małe skakanje z kałanjom, 3. Wodźenje konja, 4. Srjedźne skakanje z kałanjom a 5. Wulke skakanje z kałanjom.
Hrajne dny w kopańcy
Koparjo změja jutře a njedźelu zaso obligatoriski hrajny dźeń. W regionalnej a wyšej lize hraja FCE Choćebuz, Budissa Budyšin a Biskopičanske KT doma.
15.04. 13:00 FC Energija Choćebuz –
Tennis Borussia Berlin
15.04. 13:00 Budissa Budyšin –
FC Jednota Rudolstadt
15.04. 14:00 Biskopičanske KT –
FSV Wacker Nordhausen
15.04. 15:00 Sebnitz – SJ Chrósćicy
15.04. 15:00 Módro-běli Kulow –
Biskopičanske KT II
15.04. 15:00 Póst Germ. Budyšin –
ST Radwor
15.04. 15:00 Mały Wosyk/Pančicy II –
Ralbicy II / Njebjelčicy II
16.04. 11:30 Rakečanske ST II –
SJ Njebjelčicy
16.04. 12:30 Na. Němske Pazlicy II –
SJ Chrósćicy II
16.04. 14:00 ST Marijina hwězda –
Wojerowski FC II
16.04. 15:00 Na. Němske Pazlicy –
Sokoł Ralbicy/Hórki
Funinio festiwal
Sokoljo w pokalnym kole połfinale docpěli
Módro-běli Minakał –
Sokoł Ralbicy/Hórki 1:3 (0:1)
Zestawa hosći: Ch. Gloxyn – Matka (57. Kurjat), Rachela, Schultz, A. Wałda (90. Kunze), T. Wałda, D. Gloxyn, Rawš, Šołta (90. Nuk), Domaška, Šewc
Jutrownu póndźelu dyrbjachu Sokoljo swoju hru w štwórćfinalu wokrjesneho pokala nachwatać. Hosćićel běše chětro motiwowany. Hra přiwabi při krasnym nalětnim wjedrje 345 přihladowarjow.
Wot spočatka běše jasne, zo chcedźa domjacy přez robustnu kopańcu a dobyte dwuboje wuspěch docpěć. Na to dyrbjachu so Ralbičenjo w prěnich pjeć mjeńšinach nastajić. Pomału pak so woni tež do hry namakachu. Dobre kombinacije pak so hišće njeporadźichu. Tak wunjese standard nawjedowanje. Denny Gloxyn sflankowa bul na hłójčku Aleksandra Wałdy, kotryž bul do dołheho róžka stłóči. Minakał pak so njepoda a spyta přez dołhe bule na swojeho kapitana Patricka Angermanna wuspěšny być. Sokoljo pak běchu stajnje kedźbliwi. Na tamnym boku pak so Ralbičanam njeporadźi masiwny škit přehrać, a tak chabłaše hra mjez šěsnatkomaj tam a sem.
Christoph Gloxyn – štyri a poł lěta při liniji stał
Spočatk sezony 2018/2019 přewza 29lětny Christoph Gloxyn prěnje koparske mustwo Sokoła Ralbicy/Hórki jako trenar. Z tym bě tehdom najmłódši nazwučowar wokrjesneje wyšeje ligi. Rodźeny Ralbičan steješe wot dźěćaceje hač do mužaceje staroby we wrotach Sokoła, prjed hač přewza wón mustwo jako trenar. Po wjace hač štyrjoch lětach pak maja Ralbičenjo nětko z Tomašom Henčlom noweho trenarja. Gloxynowy nadawk tuž jenož hišće je, klětku Sokoła čistu dźeržeć. Kak je k překwapjacemu rozsudej dóšło a što ma 33lětny w přichodźe planowane, je Christoph Gloxyn Jurjej Bjeńšej powědał.
Jako zhonichmy, zo Tomaš Henčl prěnje koparske mustwo Sokoła Ralbicy/Hórki přewozmje, běchu mnozy chětro překwapjeni. Nichtó z tym ličił njebě, zo ma so na trenarskim polu w Delanach něšto změnić. Kak je k tomu dóšło?
Napjaty a na wrota bohaty duel
ST 1922 Radwor – HZ Łaz/Běły Chołmc 4:3 (2:1)
Za Radworske mustwo zasadźeni: Grenzemann – Reinecke, Šěrak, Pěčak, Paška (93. Seiler), Wjacławk (36. Schulze), Schöne (46. Měrčink), Nuk, Grubert (83. Wjeńka), Castejon, Šnajder
Zeleny štwórtk bě prěnja prawa domjaca hra za Radworskich koparjow, a wona přiwabi 75 přihladowarjow. Hižo w prěnjej partiji we Łazu bě sej mustwo trenarja Marija Bischofa tři dypki sobu domoj wzało. Wróćohra nětko bě spočatnje poměrnje wurunana. Radwor pak dósta partiju poněčim pod kontrolu. Škit hosći pak móžeše dołhe třělwy přećiwnikow derje wotwobarać. Hižo we 18. min. móžeše so Johannes Wjacławk na swojim křidle přesadźić a bul nimo wrotarja k 1:0 do klětki sunyć. Direktnje po tym trjechi Richard Šnajder w 21. min. k 2:0. Hosćićeljo bychu hišće dalše šansy wužić móhli, ale přeco zaso noha přećiwniskeho hrajerja dalšim wrotam zadźěwa. Bohužel Radworscy koparjo wotežki do połčasa trochu pušćichu, tak zo dóńdźe k 2:1.
Nachwilnje zaso načolnik
FC Viktoria Berlin – FC Energija Choćebuz 1:2 (0:1)
Energija Choćebuz: Bethke – Hasse, Slamar, Hildebrandt, Borgmann, Kujović (81. hottmann), Hofmann, Oesterhelweg (67. Eisenhuth), Abu-Alfa (67. Badu), Thiele (90. + 1 Böhmert), Wähling (81. Heike)
wrota: 0:1 Wähling (11.), 1:1 Gunter (60.), 1:2 Hildebrandt (90. / jědnatka)
Na kóncu běchu wšitcy FC Energije spokojom, byrnjež wo dobyće třoch ličakow třepotać dyrbjeli. Hižo po jědnaće mjeńšinach bě Niclas Wähling přewahu Choćebuza derje předstajił a lěpše mustwo mytował. Dokelž pak bě Viktoria Berlin dotal najwuspěšniše mustwo druheje połserije, so poměry mocow nětko přirunowachu. Jedyn standard wuži 1,98 metrow wulki Gunter ze zaměstnjenym hłójčkowanym bulom k wurunanju. Z tym dyrbješe so Energija wo přichodnu kročel na načolnu poziciju w tabulce strachować. Tola po foulu na zaměnjenym Malcom Badu wuži Jonas Hildebrandt šansu a trjechi k trochu zbožownemu třidypkowemu dobyću. Georg Zielonkowski
Rakečenjo derby doma dobyli
Rakečanske ST – SJ Chrósćicy 2:0 (1:0)
Zestawa hosći: Králíček – Kreuz, Janca (74. Matik), M. Zahrodnik, Mark (65. Wornar), L. Zahrodnik, Młynk, G. Zahrodnik, Matješk, Bogusz (61. Wencel), Krawc
Na zelenym štwórtku mějachu Chróšćenjo nachwatansku dypkowu hru w Rakecach. Domjacy cyłk steji w tabulce jenož jedyn dypk za SJC. Derby na spočatku sezony běchu Chróšćenjo na domjacym trawniku z 3:0 jasnje dobyli.
Hosćićeljo derje do hry startowachu a Chróšćenjo hižo wot spočatka pod ćišć stajachu. Tak sej hnydom prěnje dobre šansy wuhrachu. W 10. min. je wrotar SJC Petr Králíček třělwu z krótkeje distancy hišće z nohu wotwobarał. Tola w 16. min. we wrotach hosći klinkaše. Po róžku je so Nick Hermann derje přesadźił a bul do wrotow k 1:0 zhłójčkował. Po tym Rakečenjo, kiž maja w swójskich rjadach wot zymy wicekapitana Serbskeho mustwa Patricka Woka, na dalše wrota tłóčachu. Poněčim so Chróšćenjo lěpje do hry namaka. Woni spytachu swojich nadběhowarjow z dołhimi bulemi zasadźeć. Prěnju dobru šansu měješe Jan Bogusz. Jeho třělwu pak wrotar wujasni. Dalše dobre šansy po standardach abo flankach hosćo wužiwać njemóžachu.
Wuslědki (11.04.23)
Kopańca, krajna klasa
SV Wesenitzal – BSV 68 Sebnitz 1:1 (0:0)
Rakečanske ST – SJ Chrósćicy 2:0 (1:0)
Nowosólc-Hródk – Niska 0:3 (0:2)
Wesenitzal – Drohotka Ramnow 1:1 (0:0)
Nowosólc-Hródk – Drježdźany 3:1 (2:0)
1. SC Borea Drježdźany 19 67 : 17 47
2. FV Přezjednota Niska 18 68 : 14 46
3. Rotacija Drježdźany 20 44 : 21 44
4. Nowosólc-Hródk 18 34 : 26 28
5. SV Wesenitzal 19 37 : 42 26
6. Rakečanske ST 19 34 : 37 25
7. Drježdźanski SC 1898 20 31 : 35 25
8. VfB Běła Woda 1909 19 34 : 44 25
9. SJ Chrósćicy 17 22 : 16 23
10. Wojerowski FC 18 33 : 29 22
11. SG Weixdorf 20 32 : 42 20
12. Radebergerske ST 20 34 : 64 20
13. TSV Cossebaude 19 30 : 50 16
14. BSV 68 Sebnitz 20 25 : 69 15
15. Drohotka Ramnow 18 33 : 52 11
16. VfB Žitawa (cofnyli) 0 0 : 0 0
wokrjesna wyša liga
Radwor – HZ Łaz/Běły Chołmc 4:3 (2:1)
Horni kraj-Sprjewja – Biskopicy II 0:2 (0:0)
1. Biskopičanske KT II 21 69 : 16 53
2. Póst Germania Budyšin 20 51 : 21 46
3. Módro-běli Kulow 20 42 : 14 46
4. Natwar Němske Pazlicy 21 62 : 23 45
5. ST Hnašecy-Dobruša 21 65 : 43 39
6. ST Horni kraj-Sprjewja 21 58 : 36 37
7. FV Ottendorf-Okrilla 05 21 45 : 38 32
8. Sokoł Ralbicy/Hórki 20 35 : 29 29
9. SG Großnaundorf 19 27 : 27 27
10. 1911 Großröhrsdorf 21 33 : 32 26
11. HZ Łaz/Běły Chołmc 21 31 : 38 23
12. TSV Wachau 21 42 : 63 23
13. ST Radwor 20 34 : 56 19
14. ST Porchow 21 24 : 70 12
15. ST Ćisk 21 23 : 76 9
16. ST Kinspork/Łužnica 21 22 : 81 6
wokrjesna liga, stafla I
TSV Połčnica – HZ Huska/Hodźij 2:1 (0:1)
1. TSV Połčnica 17 49 : 27 38
2. Arnsdorfske KT 17 40 : 24 32
3. ST Kubšicy 17 33 : 24 32
4. TSV Wjazońca 17 45 : 31 30
5. Bretnig-Hauswalde 16 46 : 28 29
6. HZ Huska/Hodźij 16 38 : 28 25
7. Zeleno-běli Bukecy 17 36 : 29 25
8. Traktor Malešecy 17 34 : 33 25
9. ST Bart 17 25 : 32 25
10. TSV Wjernarjecy 17 43 : 46 21
11. HZ Frankenthal 16 20 : 35 15
12. SV Haselbachtal 16 20 : 35 13
Widźał, słyšał, napisał (11.04.23)
Awtor dźensa
Křesćan Korjeńk
,,Raduj so njebjes kralowna, raduj so Marija ...“, takle klinčeše jutrońčku z erta křižerjow a mnohich wěriwych po cyłej katolskej Łužicy. Mjez křižerjemi běchu cyle wěsće tež mnozy, kotřiž so w swojim swobodnym času ze sportom zaběraja a to w najwšelakorišich sportowych družinach. Přihladowarjo njemóžachu spóznać, hač jedna so wo mustwoweho lěkarja, trenarja abo hrajerja, wšako jednotna drasta žane rozdźěle njepokaza. To jedne pak bě tež mjez křižerjemi jasne: Ći starši, nazhonićiši, pomhaja a kubłaja młódšich. Su jim w tej abo tamnej situaciji z dobrym přikładom, poradźowarjom a pomocnikom. A ći młódši dźakuja so ze zdwórliwosću, posłušnosću a respektom.
Sport (06.04.23)
Jutrowna kopańca
Dźensa, zeleny štwórtk, dyrbi we wokrjesnej wyšej lize Radworski cyłk dypkowu hru nachwatać kaž tež prěnje koparske mustwo SJ Chrósćicy w krajnej klasy. Na ćichu sobotu přepołoženej stej hrě Budyšin – Eilenburg a Biskopicy – Westerhausen we wyšej lize. Jutry póndźelu přewjedźe so potom w Minakale partija Minakał – Ralbicy wo zaćah do połfinala we wokrjesnym pokalnym kole.
06.04. 17:30 ST Radwor –
HZ Łaz/Běły Chołmc
06.04. 18:30 Rakečanske ST –
SJ Chrósćicy
08.04. 13:00 Budissa Budyšin –
FC Eilenburg
08.04. 13:00 Biskopičanske KT –
SV Westerhausen
10.04. 14:00 Módro-běli Minakał –
Sokoł Ralbicy/Hórki
Trajne zastupne lisćiki
