Wulki derby w Biskopicach

We wyšej lize hraja koparjo FC Hornjeje Łužicy Neugersdorf jutře w Biskopicach wo tak mjenowane derbydypki a prěnje mustwo ST 1922 Radwor nastupi w Ottendorfje-Okrilli. Chróšćanska rezerwa wočakuje njedźelu cyłk z Łutow a Njebjelčenjo mustwo z Lubuša.

12.11. 13:30 Biskopičanske KT 08

  – FC Hornja Łužica

  Neugersdorf

12.11. 14:00 HZ Wóslink/Skaskow/

  Kulow II – ST Hlinowc

12.11. 14:00 FV Ottendorf-Okrilla 05

  – ST Radwor

13.11. 11:00 TSV Rotacija Drježdźany

  – SJ Chrósćicy

13.11. 11:30 SJ Chrósćicy II –

  FSV Łuty

13.11. 11:30 Rakečanske ST II –

  ST Marijina hwězda

13.11. 13:00 Budissa Budyšin –

  FC An der Fahner Höhe

13.11. 14:00 ST Kinspork/Łužnica –

  Sokoł Ralbicy/Hórki

13.11. 14:00 ST Porchow –

  Módro-běli Kulow

13.11. 14:00 SJ Njebjelčicy –

  ST Lubuš

Dźeń holčeje kopańcy

W sportowym centrumje w Halštrowje přewjedźe Zapadołužiski koparski zwjazk (WFV) póndźelu koparski trening za holcy, a to we wobłuku dnja žónskeje a holčeje kopańcy. Přizjewjenje budźe wot 16.15 do 16.45 hodź. móžne, treningowa jednotka přizamknje so wot 17.00 do 18.30 hodź. Přeprošene su wšitke ­holcy lětnikow 2010 do 2014. Přizjewjenja z mjenom a datumom narodźenja pósćeleće prošu w předpolu z mejlku na ­.

Wojerowski FC II – SJ Njebjelčicy 3:1 (0:1)

Zestawa SJ Njebjelčicy: Józef Matješk – Ronny Hanuza, Daniel Kral, Jacob Šołta, Christoph Pawlik, Anton Malaškin (90. Nico Šuster), Paul Hrjehor, Handrij Korjeńk, Josef Matješk, Clemens Reinelt, Luca Šmit, Florian Domš, Oliver Domš

Pinčny duel přećiwo tabulkowemu susodej wotmě so za Njebjelčanow zašłu sobotu we wokrjesnej lize. Z dypkom wjace steješe rezerwa Wojerowskeho FC před mustwom SJ Njebjelčicy. Wotpowědnje wažne by za hosći było, w Zusowym měsće dypkować. Čerwjene košle započachu sylnje a přińdźechu derje do hry. Přez wysoki pressing móžachu sej woni hižo zahe někotre šansy wuhrać. Tak trjechi Handrij Korjeńk k 1:0 (16.). Po wrotach hosćo njepopušćichu a sadźachu hosćićelow dale pod ćišć. Wrota pak wuwostachu.

SJ Chrósćicy 1981 – ST 1990 Nowosólc-Hródk 1:1 (1:0)

Zestawa domjacych: Králíček – Janca (63. B. Cyž), Sentiwan, F. Cyž, M. Zahrodnik, L. Zahrodnik (80. Rätze), Hawš, Kreuz (71. Wencel), Młynk, Bogusz, Krawc (86. Mark)

Na rjanej nazymskej njedźeli bě sej něhdźe 150 přihladowarjow hru mjez SJC a mustwom z Nowosólca-Hródka wobhladało. Hosćo běchu zašłu sezonu z krajneje ligi do krajneje klasy zestupili. Pavel Runt, trenar hosćićela, dyrbješe swoju zestawu znowa dla zranjenjow a chłostanjow sportoweho sudnistwa na někotrych pozicijach změnić. Nimo toho šnórowaštaj z Bennom Rätze a Marlonom Wenclom hrajerjej młodźiny A prěni króć kopački za prěnje mustwo SJC.