Pjeć koni je z pastwy w schleswigsko-holsteinskim Norderstedće ćeknyło a nastaji so dale na puć po zwjazkowej dróze B 432. Tam njejsu so tež přez policiju zamylić dali. Hakle před wukładnym woknom wobchoda za jěcharsku potrjebu wone zastachu, hdźež wuhladachu kumštneho konja w přirodnej wulkosći. Hromadźe z policistami je kedźbliwy wodźer awta konje zaso na pastwu wróćo wjedł.

Relikwija włosow bamža Jana Pawoła II. je nětko w kapałce starownje w Laatzenje pola Hannovera wustajena. Na Božej mši su tam wčera sudobjo z włosami do wołtarja zapušćili. Nawoda starownje Adrian Grandt bě relikwiju jako dźak za beneficny­ koncert za hospic w domi­znje bamža dóstał. W Pólskej, hdźež sej Jana Pawoła II. jara česća, su jeho relik­wije chětro požadane.

Drježdźany (SN). Ministerski prezident Swobodneho stata Sakskeje Stanisław Tilich (CDU) witaše wčera zastupjerjow Serbow w Drježdźanskej statnej kencliji. Tema běštej mjez druhim přichod brunicoweho regiona w serbskim sydlenskim rumje kaž tež naćisk nowele sakskeho šulskeho zakonja, kotryž krajnemu sejmej předleži. Domowina bě k noweli swoje stejišćo zapodała, a wone bu we wulkej měrje wobkedźbowane. Rozjimali su tež dźěło mjeńšinoweho sekretariata a prócowanja wo připóznaće zakładneje papjery „Rěče charty w Němskej – zhromadna zamołwitosć“. „Sakska je nam spušćomny partner za lěpšu podpěru serbskeho luda. Tu njejedna so jenož wo spjelnjenje zakonjow, ale to je woprawdźe naležnosć na­šeho kraja. Za to moje připóznaće“, praji předsyda Domowiny Dawid Statnik. Nimo­ njeho wobdźělištaj so na zetkanju městopředsydka Domowiny a nawodnica mjeńšinoweho sekretariata Judith Wałdźic kaž tež jednaćel Domowiny a wiceprezident Federalistiskeje unije europskich narodnych mjeńšin Bjarnat Cyž.

Berlin (dpa/SN). Kupcy elektroawtow dóstanu přichodnje premiju 4 000 eurow. To je zwjazkowe knježerstwo dźensa wobzamknyło. Premija płaći za ryzy elektriske awta. Za nakup hybridneho awta wu­płaća „wobswětowy bonus“ 3 000 eurow. Za spěchowanski­ program nałoža 1,2 miliardźe eurow. Dalše 300 milionow chcedźa za natwar 15 000 nowych stacijow za nabiwanje­ baterijow elektroawtow wudać. Předsyda FDP Christian Lindner naprawu knježerstwa kritizuje, dokelž „wjele płaći a lědma něšto wunjese“.

Tarifowe dojednanje přewzate

Kamjenica (dpa/SN). Tarifowy konflikt w sakskej metalowej a elektroindustriji je zakónčeny. W třećim jednanskim kole su so dźěłodawarjo a zastupnicy dźěłarnistwa IG metal dźensa w Kamjenicy dojednali, zo minjeny tydźeń w Sewjerorynsko-Westfalskej dojednany kompromis přewozmu. Přistajeni dóstanu 4,8 procentow wjace pjenjez kaž tež jón­krótny připłatk 150 eurow, zdźěla dźěłarnistwo. Po słowach jeho rěčnika je tole­ „akceptabelny kompromis“.

Moskwa poskića sobudźěło

Hodźiny dołho je tónle ćežkotransport dźensa dopołdnja wotjězdku awtodróhi A 4 Budyšin-zapad blokował. Wokoło 5 hodź. chcyše 53 metrow dołhi a 45 tonow ćežki transport awtodróhu wopušćić. Při tym šofer zwěsći, zo hydrawliske wodźenje zadnjeje wóski njefunguje, a jězdźidło wosta tčacy. Hakle krótko do připołdnja móžachu defekt sporjedźeć. Foto: Rocci Klein