FC Energija Choćebuz –

TSV 1860 Mnichow 5:1 (4:1)

Zestawa FC Energije Choćebuz: Bethke – Hasse, Kusić, Slamar, Bretschneider, Pelivan (70. Borgmann), Ciğerci (28. Rorig), Möker (62. Juckel), Copado (62. Proničew), Thiele, Halbauer (46. Krauß).

Žadyn z nimale 13 500 fanow FC Energije njebě njedźelu připołdnju překwapjeny, zo FCE skok na městno jedyn tabulki 3. ligi docpěje. Jich wašnje hraća přećelow kopańcy jara zwjesela. Samozrozumliwe ofensiwne akcije, agresiwne dźěło w škiće a njesměrna běhanska hra wšěch akterow přećiwniskim mustwam wětřik z płachtow wozmje – tohodla knježi tuchwilu po cyłej Łužicy euforija. Dokelž so wšo to naposledk tež hišće z wrotami krónuje, nimaja strach zestupić.