200lětne stawizny Njeswačanskeho hrodu njezabyte
Pohladnicy powědaja wo dawnych časach, swědča wo podawkach a ludźoch. Alfons Handrik wotkrywa nam swět, na kotryž smy w minjenych lětach nimale pozabyli.
Nowy hród w Njeswačidle, kaž jón na pohladnicy z lěta 1905 widźimy, jenož hišće mało staršich ludźi znaje. Jónkrótny twar bu 23. meje 1945 přez zapalerstwo zničeny, po tym zo je hrózbne bitwy na kóncu Druheje swětoweje wójny přetrał.
Studuje hudźbu w USA
Part Two: Los Angeles, San Francisco a Lynchburg
W San Franciscu wobhladachmy sej tramwajki Cable Cars.Jěducy po Highwayju 1 widźachmy najrjeńše skaliska.Na pobrjohach wuhladachmy ćulenje.Kulisa šule
za kuzłanje „Hogwarts“ z filma „Harry Potter
Hi and welcome! How are you, lubi čitacy? To je Syman Hejduška z Hórkow. Syman studuje načasnu hudźbu w USA, dokładnišo w Nashvillu w staće Tennessee. Wo swojim přebytku w Americe a wo dalšich dožiwjenjach chce nam tu rozprawjeć a wšitkim, kotřiž njejsu hišće w USA byli, spytać žiwjenje kraja rysować, wo kotrymž rěka, zo móžeš sej tam nimale kóždy són spjelnić. fota: syman hejduška
W elcome back! Minjeny raz
sym wam tu wo hudźbnym měsće Nashville rozprawjał, hdźež tučasnje studuju. Wězo njejsym tam jenož w swojej stwičce sydał, ale běch tež w dalšich kónčinach USA po puću. Tak pobych w nazymskich prózdninach z někotrymi přećelemi w Los Angelesu.
Jutry 2019z tójštonowačkami
Pjatk, 3. meje 2019
Byrnjež lětsa 22 křižerjow mjenje
hač loni sobu jěchało, běše znowa wjac hač 1 400 přewažnje serbskich młodostnych a muži po puću, zo bychu wjesołe poselstwo wozjewjeli. Mjez nimi bě 45 nowačkow. Někotrych z nich smy za młodźinsku přiłohu fotografowali. Jurij Bjeńš
Kickerowy turněr
We Wotrowje bě 6. apryla zaso raz tak mjenowany Mekka serbskich kaž tež němskich kicker-přiwisnikow. 9. raz organizowaše Marko Mět zhromadnje z młodźinskim klubom O2 Wotrow tutón woblubowany event. Tež lětsa wobdźěli so zaso šwarna ličba dwójkow – dohromady 56! Ralbičan Tomaš Bejma wobsadźi ze swojim kumplom Alexom Lutherom prěnje městno. Slěbro dźěše na dwójku Damian Cyž/Handrij Korjeńk a bronza na team Le Möw (Thomas Jentsch a Philip Kahn). Jurij Bjeńš
fota: jörg stephan
Ekskursija do čěskeje stolicy
N aš 7. lětnik – skupina čěšćinarjow Serbskeho gymnazija Budyšin – poda so 11. apryla na ekskursiju do Čěskeje.
Z ćahom jědźechmy hač do Libereca a wottam z luksurioznym busom Regio-Jet hač do stolicy Prahi.
Fabmobil w Kulowje pozastał
Spočatk apryla pozasta w Kulowskej wyšej šuli „Korla Awgust Kocor“ tak mjenowany Fabmobil. Je to dwuposchodowy bus, w kotrymž młodostnych digitalnje kubłaja. W nim dźěłaja šulerki a šulerjo na přikład na laptopach, z 3D-ćišćakami, lasercutterom atd. 16 šulerjow z 9. lětnika Kulowskeje šule dósta najprjedy teoretiski input, prjedy hač so w busu z techniku rozestajachu. Tak móžeše sej kóždy z 3D-ćišćakom značku ze swojim mjenom nadźěłać. W slědowacych dnjach so hišće intensiwnišo z dalšimi móžnosćemi zaběrachu a najwšelakoriše nastroje produkowachu (lampy, wentilatory …). Hišće raz wulki dźak cyłemu teamej Fabmobila za wulkotny projekt. Lukas Franz
Mócne „haleluja“ daloko słyšeć było
Křižerjo wuprajeja předewšěm hospozam wulke připóznaće za wobstajnu hospodliwosć
Lětsa je znowa nimale 1 500 křižerjow w dźewjeć serbskich a dwurěčnych procesionach poselstwo wo zrowastanjenju Jězusa Chrystusa wozjewjało. Mjez nimi běchu cyłkownje jedyn dejmantny, sydom złotych a dohromady 49 slěbornych jubilarow. Hinak pak hač loni – to mějachmy jutry zymne, wětřikojte a chětro jěre wjedro, a přiroda bě hišće šěra a zymska – běše lětsa mócnje zanošowane „haleluja“ křižerjow do wšěch směrow daloko słyšeć. Bjez dźiwa tuž, zo su procesiony nic jenož w Hornjej, ale po wšej Łužicy wjacore dźesaćitysacow turistow ze wšeho swěta přiwabili. Tak njewobhlada sej w Kulowje jenož skupina z Rostocka křižerjow, ale tež wjacore busy z Čěskeje su puć do Łužicy, mjez druhim Kulowa, Ralbic a Pančic-Kukowa našli, kaž tež do Budyšina.
Hosćo měli so witani čuć
Do wožiwjeneho Holanskeho bistra nic jenož wulětnikarjo rady załožeja
Słónčne jutry njelubja jenož korčmarjam w biosferowym rezerwaće Hornjołužiska hola a haty wuspěšny start do sezony pod hołym njebjom. Wosebje kolesowarjo su po dlěšej abo jenož krótšej čarje dźakowni za kóždužkuli přijomnu składnosć pozastać a něhdźe załožić móc. Wuwiće na wsach njeje w zašłosći tomu přeću aktiwnych wulětnikarjow přeco runje tyło. Jónu woblubowane hospody, kaž na přikład w Lichanju abo Połpicy, hižo njejsu. Druhdźe witaja hosći ćim wutrobnišo. Tak kiwa z Budyšina do směra na Bjerwałdski jězor hnydom při dalnodróze B 156 w Komorowje pola Klukša přijomna kofejownja.
600 lět Sernjany – zajimawe stawizniske powěsće wo delanskej wsy 6
Sernjany swjeća lětsa prěnje pisomne naspomnjenje wsy před 600 lětami. Rodźeny Sernjančan a dobry znajer stawiznow delanskich wsow Pawoł Rota je někotre stawizniske zajimawoski wo wsy zestajał, kotrež čitarjam Serbskich Nowin we wjacorych dźělach spřistupnjamy:
Knježa korčma a hospoda
Sernjanska knježa korčma přeńdźe w lěće 1772 do priwatnych rukow. Knjejstwo we wosobje Eleonora von Wobeser na Worklecach a Sernjanach předa ju za 200 tolerjow klóšterskemu poddanej Mikławšej Wjacsławkec z Kanec. Wón ju 1809 swojemu přichodnemu synej Michałej Bjeńšej přepoda.
Předawać smědźeše korčmar napoje jenož z wjesneju knježeju palernje a piwarnje. Knjejstwo pak tež stražliwosć při hospodowanju poruči, skedźbnjejo na „Räubermandat“: nikoho bjez płaćiwych wupokazow na nóclěh njepřijimać. A tola je tam w nocy na 20. awgust 1813 rano w třećej hodźinje cuzy „hantwjerkski“ bjez wupokaza a bjez pućowanskeje knižki zemrěł a bu 24. awgusta w Ralbicach pochowany.
Swojej maćeršćinje a wěrje swěrny wostał
Hanzo Mrósk je na swojim třistronskim statoku w Trjebinje zbožowny
Stara křinja z chójnoweho drjewa je z lěta 1798. „W njej smy prjedy jahły, wows a muku składowali. Křinja bě něhdy w młynje mojeho dźěda stała. To bě na Šołćic horje we wsy“, powěda Hanzo Mrósk. W swojej pčólnicy so Trjebinjan na swojich prjedownikow dopomina. 85lětny je jedyn z mało maćernorěčnych Serbow w Trjebinje.
