Kóždolětne rěčne lěhwo SŠT tež lětsa zaso wulki wuspěch
Wodowe Hendrichecy (SN/MG). Wjesoła je nalada na arealu prózdninskeho domicila „Querxenland“ we Wodowych Hendrichecach. Kóždolětne prózdninske lěhwo Serbskeho šulskeho towarstwa (SŠT) je tež lětsa zaso dźesatki dźěći ze wšěch wobzorow serbstwa do wsy blisko čěskeje hranicy zhromadźiło. Program je znaty, wupruwowany, na potrjeby dźěći derje přiměrjeny. Wosebje wjeselo wšak steji w srjedźišću dnjow a tute dźěći wočiwidnje maju. Při wjesołej hrě wolejbula wokoło blidotenisoweje platy su kubłarjo a dźěći naraz njerozdźělomne a harowanje wjesela je natykliwe.