Ponowjenje Ralbičanskeje šulskeje kuchnje w prózdninach pokročuje

Ralbicy (JK/SN). Na posedźenju minjeny štwórtk rozdawachu čłonojo gmejnskeje rady Ralbicy-Róžant nadawki za přichodny wotrězk ponowjenja Ralbičanskeje šulskeje kuchnje. Dźěła w předrumje kuchnje – su to přewažnje sanitarne rumnosće a běrow – maja so w času zymskich prózdnin zwoprawdźić. Inženjerski běrow Ralbičana Stanija Statnika je kalkulaciju přewzał a wuwjedźenje twarskich dźěłow dohladuje.