Hospodarski plan města Wojerec je dale sylnje wotwisny wot přiražkow Zwjazka a Swobodneho stata Sakskeje. Zo móhli jón wurunać, dyrbjachu 2,6 milionow eurow ze swojeje rezerwy wzać. Na wurjadnym posedźenju su radźićeljo etat wčera schwalili.

Wojerecy (AK/SN). Jako lětuše naročne cile mjenowaše wyši měšćanosta Stefan Skora (CDU) nowu centralnu wyšu šulu, twarsku naprawu w Jahnowym stadionje, ponowjenje młodźinskeho domu Ossi, dróhotwar w industrijnišću jako přihot za nowu měšćansku wobjězdku a wutwar hłowneje dróhi přez Němcy. Swój dołh chce město dale pomjeńšić a jón lětsa pod saksku směrnicu 850 eurow na wobydlerja znižić.