Njeswačidło (LR/SN). Štyrnatu šlagrowu nóc minjenu sobotu w Njeswačanskim parku je něhdźe 3 000 hosći při nic najrjeńšim wjedrje wopytało. Woblubowane zarjadowanje wuhotuje wjesne sportowe towarstwo Módro-běli. Šlagrowa nóc je swojeho cyłkowneho wuhotowanja dla jako dobra adresa znata. Přećeljo a bywši šulscy towaršojo sej termin sčasom zapisuja, zo bychu so při dobrej hudźbje lěto wob lěto zetkawali a zhromadnje swjećili.