Zagor/Jabłońc (JR/SN). Lubowarjo konjaceho sporta w Zhorjelskim wokrjesu móža na dohromady něhdźe 400 kilometrach wupisanych jěchanskich pućikach wulku swobodu na chribjeće konja dožiwić. We kónčinje łužiskeje hole kołowokoło łužiskich hatow a jězorow je jěchanje přez cyłe lěto móžno. Kerstin Nowak a Susann Klonz stej sej přezjednej: Kóń je čłowjekej z wulkim wobohaćenjom. Kerstin Nowak je wobsedźerka předewzaća za konjacu turistiku w Jabłońcu. Susan Klonz nawjeduje konjace kubło w Zagorju.