Lěćne wjeselo na dworje

Smochćicy. Srjedu, 25. julija, su zajimcy w 20 hodź. na dwór Smochčanskeho Domu biskopa Bena na lěćne wjeselo přeprošeni. Kruh Palestriny přewjedźe w domje swoje lěćne schadźowanje ­a wšelake madrigale renesansy a chórowe spěwy wjacorych dobow nastuduje. Tute a dalše hudźbne chłóšćenki chcedźa zjawnosći předstajić. Zastup je darmotny.

Kino pod hołym njebjom

Budyšin. Budyski Kamjentny dom přeprošuje srjedu, 25. julija, zaso na lěćne kino. W přichodnych tydźenjach so zarjadowanje přeco wot 21 hodź. na ležow­nosći Budyskeho bydlenskeho a přemysłoweho parka „Při Sprjewinym kole“ (Sprjewina hasa 10) wotměwa. Jako prěnje pokazaja film, tragikomediju „Das Leuchten der Erinnerung“.

Stawnistwo zawrjene