Boža mša a zabawny wječor

Ralbicy. Składnostnje prěnjeho pisomneho naspomnjenja Sernjan před 600 lětami je wutoru, 30. julija, we 18.30 hodź. w Ralbicach dźakna swjedźenska Boža mša. Wšitcy su wutrobnje přeprošeni. Po kemšach je na farskim dworje zabawny wječork wšitkich něhdyšich a dźensnišich Sernjančanow.

Pojědu do Hejnic a Frydlanta

Chrósćicy. Župa „Michał Hórnik“ přeprošuje swojich čłonow a dalšich zajimcow na kubłansku jězbu njedźelu, 1. septembra, do Hejnic a Frydlanta. Wotjězd budźe w 7 hodź. z Chrósćic. W 9 hodź. je w Hejnicach Boža mša. Slěduje wodźenje po klóštrje a wokolinje. Po wobjedźe w klóštrje stejitej wopyt a wodźenje po hrodźe w Frydlanće na programje. Swójski přinošk z wobjedom płaći 20 eurow za dorosćeneho a 15 eurow za dźěći. Přizjewjenja přijimuja so hač do srjedy, 21. awgusta, w regionalnym běrowje Domowiny w Chrósćicach.

Přeproša na wjesny swjedźeń