Na oficialnym wotewrjenju FUEN–kongresa mnohe nastorki do dźěła
Pecs/Fünfkirchen/Pečuh (SN/MG). Z tradicionelnymi zwukami akordeona zahajichu wčera popołdnju oficialnje 67. kongres Federalistsikeje unije europskich narodnosćow (FUEN). W Kodály-centrumje wosrjedź multinacionalneho města Pécs bě wulki rjad rěčnikow, delegatow a hosći přichwatało, zo bychu tradicionelny termin zwoprawdźili.
