W Madźarskej zakónčichu 67. kongres – Domowina z wuslědkom spokojom

Pecs/Fünfkirchen/Pečuh (SN/MG). Po třoch dnjach intensiwneho dźěła zakónčichu wčera, njedźelu, 67. kongres Federalistiskeje unije europskich narodow (FUEN). Štož běchu štwórtk z wulkim wotewrjenjom spočinali, skónčichu sobotu z delegatnej zhromadźiznu. Na tutej wobzamknychu najwšelakoriše rezolucije. Lětsa bě jich dohromady dwanaće. Wjele z nich zaběrachu so z rólu EU, kotraž njech je wobchowarka čłowjeskich a mjeńšinowych prawow. We hłownej rezoluciji rěka na přikład: „FUEN namołwja zamołwitych mjezynarodneje, europskeje a narodneje politiki, so intensiwnišo z prašenjemi awtochtonych narodnych mjeńšinow rozestajeć. Tajka wuměna je za zhromadne wobstaće multietniskich a wjacerěčnych towaršnosćow w EU a tež zwonka njeje njezbytna.“