Wupad a přidatne předstajenje

Budyšin. Serbski ludowy ansambl informuje, zo jutře, sobotu, planowany portretowy koncert „W fokusu: Ulrich Pogoda“ wupadnje. Nachwatać chcedźa zarjadowanje klětu, dokładny termin dotal jasny njeje. SLA zdobom zdźěla, zo swoju aktualnu inscenaciju „Abrafaxy a Čorny młyn“ w němskej wersiji „wulkeho naprašowanja dla“ přidatnje zajutřišim, njedźelu, na swojej žurli w Budyšinje pokaza. „Koncert z wobrazami a rěčnikom“ započnje so w 16 hodź., zastup płaći 8 eurow. Přichodne zjawne serbske předstajenje slěduje srjedu, 20. nowembra, w 17 hodź. na samsnym městnje.

Zdźěla zdarma: Spokenword a rock

Běła Woda. Kolektiw (L)ost Poetas je jutře, sobotu, z hosćom w Běłowodźanskim sociokulturnym centrumje Telux. Přinoški žanra spoken word předstaja mjez druhim Jessy James LaFleur, Alina Stark a Tabea Wels. Budyska band Die Baumschule jich z improwizacijemi přewodźi, prjedy hač „z energetiskim koncertom“ swoje najnowše spěwy prezentuje. Event započnje so w 19 hodź., zastup płaći 5 eurow. Zajimcam młódšim hač 20 lět spřistupnja je bjezpłatnje.

Łužica w kamjentnej dobje