Wosebity koncert na spočatku lěta słuša k najwažnišim hudźbnym podawkam we Łužicy wot lěta 1995. Tež lětuši program bě wuběrny, wopřijacy pisanu paletu twórbow wukrajnych, hłownje pak serbskich komponistow.
„Z koncertami strowju swoju domiznu“, praji nětko w Berlinje bydlaca pianistka Heidemarja Wiesnerec. Wona na koncertach hudźi a je zdobom iniciatorka a wot spočatka nawodnica zarjadowanjow.
