Na mejemjetanje a kopańcu

Pěskecy. Po zwučenym wašnju tež lětsa zaso w Pěskecach swjatkowny kónc tydźenja swój wjesny swjedźeń wuhotuja. Z natočenjom piwa jón jutře zahaja a w 21 hodź. z diskoteku, kotraž budźe w stilu 1990tych lět. Njedźelnemu mejemjetanju w 15 hodź. přizamknjetej so swačina kaž tež spěwny wječor z akordeonowej hudźbu. Štóž chce ze swójskim instrumentom sobu hudźić, je lubje witany. Póndźelu wot 13 hodź. přewjedu tam kóždolětny koparski turněr wjesnych mustwow.

Kowarnja wočinjena

Jaseńca. Dwanaty raz wotměje so jutře, sobotu, w Sakskej dźeń wotewrjeneho ateljeja. Na akciji Kunst:offen wobdźěli so tež tónraz Kaczmarec kowarnja w Jaseńcy. Wot 10 do 18 hodź. móžeš tam aktualne dźěła wuměłskeho kowarja wobdźiwać, mjez druhim skulptury, swěčniki, wohnjowe šklě a wjele dalšeho. Na­drobniše informacije nadeńdu zajimcy internetnje pod adresu www.schmiede-kaczmar.de.

Chór žonow spěwa