Na cyrkwinski dźeń

Slepo. Jutře, 28. meje, w 14 hodź. zahaji so w Slepjanskej cyrkwi 70. serbski ewangelski cyrkwinski dźeń. W 15 hodź. přednošuje Juliana Kaulfürstowa na žurli Serbskeho kulturneho centruma na temu „Płachta pełna hulicowańkow – Slěpjanska serbšćina w słowje a pismje“. Njedźelu budu w 10 hodź. swjedźenske kemše z Božim wotkazanjom. Připołdnju přizamknje so zhromadne spěwanje z Rowniskimi glosami a dalšimi. W 15 hodź. so dźeń z nutrnosću a koncertom za pišćele a husle pod nawodom kantorki Ulricke Scheytt w cyrkwi zakónči.

Za jězbu so přizjewić

Ramnow. Na 20 konjacych zapřahow je so za lětušu kołojězbu wokoło Ramnowskeho hrodu 5. junija přizjewiło. Kaž Regine Mikus zdźěli, su mjez přizjewjenymi tež zapřahi serbskich wodźerjow, mjez druhim z Chrósćic. Hač do njedźele, 29. meje, móža so zajimcy hišće přizjewić, a to pod telefonowymaj čisłomaj 03594/ 701 365 abo 0171/ 78 92 48. Dalše informacije posrědkuja zajimcam pod www.reitverein-hufnagel.de.

Podijowa diskusija w galeriji