Přijmu nowačkow internata

Budyšin. Kaž internatne wjednistwo Budyskeho Serbskeho gymnazija na Friedricha Listowej informuje, přijmu nowačkow internata njedźelu, 7. awgusta, w času wot 18 do 21 hodź.

Dopominaja na Unterdörfera

Kulow. Z wustajeńcu pod hesłom „Als die Sümpfe blühten“ wopominaja w Kulowje hajnika a awtora Gottfrieda Unterdörfera (1921–1992). Přehladku wotewru njedźelu w 10 hodź. w Friedricha Forellowym centrumje ewangelskeje wosady. Widźeć budu mjez druhim fota, kotrež je wodźer po přirodźe Herbert Schnabel w přirodoškitnych kónčinach ze swojej kameru zapopadnył.

Za jězbu do Prahi so přizjewić

Chrósćicy. Župa „Michał Hórnik“ přeproša swojich čłonow a dalšich zajimcow na kubłansku jězbu sobotu, 27. awgu­sta, do Prahi. Na programje steji mjez druhim wopyt katedrale swj. Wita, Vyše­hrada, Serbskeho seminara a Narodneho dźiwadła. Přizjewjenja přijimuje hač do 20. awgusta regionalny běrow Domowiny w Chrósćicach. Telefonowe čisło je 035796/96 254, e-mail: .

Wustajeńca wo neofašizmje