Hdyž prěni raz nowu techniku wuhladaš, zda so ći to druhdy kaž dźiw być. Dopominam so hišće, jako nam přećel-grafikar předstaji, kak ličakowa myška funguje. Prawje wěrić wšak tehdy njemóžach, zo so pohib myški na blidźe z kłokom na wobrazowce wotbłyšćuje. Dźensa je to normalny dźěłowy grat.

Jara so tež dźiwach, jako wuhladach před nimale dźesać lětami na Dessauskej wysokej šuli Anhalt na dnju wotewrjenych duri we wobłuku design-studija prěni 3D-ćišćak: Postawa w jednorym kašćiku takrjec z ničeho nastawa, awtomatisce, na zakładźe někajkich kompjuterowych datow – wuměłca-rězbarja za to hižo žanoho njetrjebaš. A dźensa móžeš sej postawu sebje samoho tež w Budyšinje stworić dać – we wobchodźe za wobrazy a ramiki, cityjowej galeriji.

Njespektakularny kašćik z wulkim efektom