Stajne blido zelenych

Kamjenc. Zapósłanc zwjazkoweho sejma Stephan Kühn (Zeleni) budźe hósć přichodneho stajneho blida Kamjenskeho zwjazka Zelenych jutře, wutoru, w 19 hodź. w hosćencu „La Piazza“ na Zwin­gerowej. Na zarjadowanje su zajimcy wutrobnje witani.

... a křesćanskich demokratow

Budyšin. Předsyda frakcije CDU Budyskeje měšćanskeje rady Karsten Vogt rozprawja za přichodnym blidom Budyskeje CDU wo swojim dźěle jako měšćanski radźićel. Zjawny wječor wotměje so srjedu, 8. februara, w 19 hodź. w Budyskej piwarni na Mannowej.

Na Maćičnu akademiju

Budyšin. Stawizniska sekcija Maćicy Serbskeje přeproša na swoju přichodnu akademiju štwórtk, 9. februara, w 19.30 hodź. W Budyskim hosćencu „Wjelbik“ přednošuje serbski superintendent Jan Malink na temu „Luther a Serbja. Legendy a fakty“, a to w serbskej rěči. Zastup je darmotny.

Do hudźbneje šule pohladać