Čitanje na Hrodźe

Budyšin. Kónc tydźenja přińdu přećeljo literatury w Budyšinje na swoje kóšty. Ale: Prěnje čitanje „LESeBAR“ jutře w 19.30 hodź. wupadnje. Město toho pokazaja tam komediju „Sei lieb zu meiner Frau“. Zajutřišim, njedźelu, předstaji dźiwadźelnik NSLDź Marian Bulank w 11 hodź. na Hrodźe satiriske teksty Choćebuskeho žurnalista a spisowaćela Klausa Muchi.

Jutrowne jejka debić

Njebjelčicy. Znata debjerka jutrownych jejkow Marja Šefrichowa, čłonka Njebjelčanskeho domizniskeho a kulturneho towarstwa, přeprošuje zajimcow jutře a njedźelu, přeco wot 14 do 17 hodź., do Njebjelčanskeho gmejnskeho centruma na kurs debjenja jutrownych jejkow. Přinošk – nimo nawoda tež za kofej a tykanc – płaći pjeć eurow. Zajimcy móža so hišće přizjewić pod telefonowym čisłom 03578/ 30 18 04.

Wo mórskim worjole

Budyšin. Jutře, sobotu, 11. februara, w 15 hodź. předstaji dr. Winfried Nach­tigall, jednaćel spěchowanskeho towarstwa Njeswačanskeje ptakoškitneje sta­cije, w Budyskim měšćanskim muzeju mórskeho worjoła. Tónle woponowy symbol bě wokoło 19. lětstotka nimale wutupjeny.