Čitaja z Paternostra

Budyšin. Jako zazběh literarneho wubědźowanja­ Ludoweho nakładnistwa Domowina a Załožby za serbski lud wotměje so štwórtk, 8. junija, w 19.30 hodź. literarny wječor w Budyskej Smolerjec kniharni. Pod hesłom „Naš dorost“ čitaja Alena Belkotec, Rejzka Deleńkowa, Annamaria Hadankec a dalši awtorojo z Paternostra. Wšitcy zajimcy su wutrobnje witani.­

Jutře na serbske blido

Berlin. Přichodne serbske blido w Berlinje, mjeztym hižo 171., wotměje so jutře, štwórtk, w 16 hodź. na zwučenym městnje w hosćencu Einstein Kaffee na Friedrichowej 206. Hosćenc je direktnje pódla bywšeho hraničneho přechoda Checkpoint Charlie.

Šulerjo koncertuja

Radwor. K zakónčenju šulskeho lěta wuhotuja holcy a hólcy Radworskeje wotnožki Budyskeje wokrjesneje hudźbneje šule hromadźe z Radworskej zakładnej a wyšej šulu koncert solistow, instrumentalnych cyłkow a chórow. Zarjadowanje wotměje so jutře, štwórtk, w 19 hodź. w Radworskim hosćencu Meja. Zastup je darmotny, prosy so wo pjenježny dar.

Njesprócna sotra přednošuje