Mokre žně z dołhej łužiskej tradiciju

pjatk, 13. oktobera 2017
artikl hódnoćić
(0 )
W tychle hatach pola Stróže chowa so bohatstwo rybarjow. Haty wobhospodarjeć je dźěl zamołwiteho dźěła rybarjow, kotrež słuži k přirodoškitej a zachowuje zdobom rjanosće našeje domizny.Jan Kral W tychle hatach pola Stróže chowa so bohatstwo rybarjow. Haty wobhospodarjeć je dźěl zamołwiteho dźěła rybarjow, kotrež słuži k přirodoškitej a zachowuje zdobom rjanosće našeje domizny.Jan Kral

W nazymje – času napjatosće a wočakowanjow – hlada rybarjam wjac hač dosć dźěła do rukow

Nazyma je we Łužicy čas napjatosće a wosebitych wočakowanjow, přewažnje za rybarjow a wobhospodarjerjow hatow. Je čas žnjow. Haty so wułója a njesćerpliwje čakaja rybarjo na wunošk swojich prócowanjow a často napinaceho dźěła.

We Łužicy wotměwaja lětsa hižo 16. raz łužiske rybowe tydźenje, na kotrež wočakuja w najwjetšim hatowym regionje Němskeje, w 30 000 hektarow wulkim Hornjołužiškim biosferowym rezerwaće hole a hatow, hosći z tu a wukraja. Nimo tradicionalnych rybarskich swjedźenjow su to wosebje hosćency a wikowarjo z rybami, kotřiž na wosebite móžnosće, łužisku rybu wužiwać, skedźbnjeja. Jenož zhromadnje postupować a łužiske pokłady na efektiwne wašnje zwičnić, zaruča wuspěch rybarjam, wikowarjam a hosćencarjam.

Rybar, wikowar a kuchar

wozjewjene w: Předźenak

Galerija

dalši wobraz (1) Dobrej duši dworoweho wobchoda w Stróži stej Antje Witzel a Ilona Donath (wot prawa). Derje znajetej rybjace wudźěłki a rady za Ringpfeilec dźěłatej, wšako maja tam jenož domjace a bjezporočne ryby w bohatym poskitku. Najlěpje du lětsa karpowe fileje, čerstwe kaž skurjene, wšako su nimale bjez kóstkow a wuběrnje słodźa.
dalši wobraz (2) Warjenje je sej Karsten Ringpfeil sam spřiswojił. Rady eksperimentuje a tak wuskoči skerje připadnje tež tón abo tamny dobry recept. Wosebje derje je so jemu poradźiła rybjaca poliwka, kotraž je na rybarskich a nazymskich swjedźenjach wulce požadana.
Prošu přizjewće so, chceće-li komentar podać

Serbska debata

nowostki LND