Schrift vergrößern
Prěni raz předstaji so na lětušej 143. schadźowance sobotu wječor w Budyskej měšćanskej hali „Króna“ ukulelowy orchester a słušeše hnydom k najwobulubowanišim přinoškam. Tež kabarety z Drježdźan, Kamjenicy, Lipska a Serbskeho gymnazija přinošowachu k wuběrnej naledźe wječora kaž dalše hudźbne a spěwne dypki. Dalše fota pod serbske-nowiny.de. Foto: SN/Maćij Bulank
Budyska „Króna“ drje njebě sobotu wječor hač na poslednje městno wobsadźena, znowa pak bě něhdźe 500 hosći přišło, přewažnje Serbja.
Budyšin (jb/SN). Tež tónkróć knježeše wot spočatka hač do kónca zaso wuběrna nalada. Wulki podźěl na tym mějachu serbscy młodostni, kotřiž běchu so wo pisany program na jewišću starali.
