Ze zbožom k třom dypkam

wutora, 13. februara 2018
artikl hódnoćić
(0 )
Nimale přez cyły hrajny čas nastawachu před wrotami Sokoła Ralbicy/Hórki strašne sceny. Dźakowano wrotarjej Chrystofej  Gloxynej a škitarjam móžachu hóstni koparjo wšitke nadběhi Motora Kumwałd wotwobarać.  Foto: Jörg Stephan Nimale přez cyły hrajny čas nastawachu před wrotami Sokoła Ralbicy/Hórki strašne sceny. Dźakowano wrotarjej Chrystofej Gloxynej a škitarjam móžachu hóstni koparjo wšitke nadběhi Motora Kumwałd wotwobarać. Foto: Jörg Stephan

Motor Kumwałd – Sokoł Ralbicy/Hórki 0:1 (0:1)

Zestawa hosći: Ch. Gloxyn – J. Bjeńš, Rawš, Šewc, Kř. Matka, M. Matka, Domaška, D. Gloxyn, S. Bjeńš, Janca (85. Materna), Kurjat

Do Kumwałda koparjo Sokoła Ralbicy/Hórki rady jědu. Dotal běchu tam dźewjeć z dohromady dźesać hrow dobyli. Wuspěch čisło 11 dźěše nětko tohorunja na jich konto. Kumwałd drje měješe přez cyłu partiju wjac hrajnych podźělow a kopicu šansow, ­Sokoljo pak jara koncentrowanje a taktisce disciplinowanje wustupowachu. Trenar Jiří Krohmer nastaji z Gabrielom ­Kurjatom jenož jeničkeho nadběhowarja a staji Pětra Domašku do centralneho srjedźneho pola z Dennyjom Gloxynom a Stefanom Bjeńšom. Woni dyrbjachu jako trójka hrajny natwar domjacych stajnje zaso mylić, štož wulkotnje fungo­waše.

wozjewjene w: Sport

Galerija

dalši wobraz (1) Pětr Domaška, kapitan Sokoła Ralbicy/Hórki, w diskusiji ze sudnikom Michałom Neterom
Prošu přizjewće so, chceće-li komentar podać

nawěšk

nowostki LND