Hosćom dypk darili

srjeda, 14. februara 2018
artikl hódnoćić
(0 )
Nowopřichad FC Energije Choćebuz  Alexander Siebeck (naprawo) je wot Karlsruheskeho SC wupožčeny.  Foto: Georg Zielonkowski Nowopřichad FC Energije Choćebuz Alexander Siebeck (naprawo) je wot Karlsruheskeho SC wupožčeny. Foto: Georg Zielonkowski

FC Energija Choćebuz – VfB Auerbach 1:1 (0:0)

Zestawa domjacych: Spahić – Starcew (90.+1 Broschinski), Karbstein, Kruse, Schlüter, Gehrmann, Weidlich, de Freitas, Siebeck (80. Graudenz), Viteritti, Mamba (67. Scheidhauer)

Po dospołnje přesłapjacej hrě načolnika regionalneje koparskeje ligi sewjerowuchod přećiwo VfB Auerbachej dyrbi FC Energija Choćebuz na kóncu z dypkom spokojom być. Nimale přez cyły čas paleše so před wrotami hosći, kotřiž ­běchu před nimi škitnu twjerdźiznu natwarili, zo bychu so před nadběhami Energije škitali. Tak běchu hłójčkowane wrota Malte Karbsteina w 57. min. po wólnym kopje Lasse Schlütera to jeničke ličomne, tež hdyž měještaj Streli Mamba a nowopřichad Alexander Siebeck dobre móžnosće, dalše wrota třělić. Hakle třeći róžk w nadběhu absolutnje njestrašnych hosći postara so wo 1:1. Marcel Schlosser třěli róžk do šěsnatki, a tam přetwori něhdyši Choćebuski kopar Marc-Philipp Zimmermann (78.). Wrotar Avdo Spahić njeměješe žanu šansu.

wozjewjene w: Sport
Prošu přizjewće so, chceće-li komentar podać

nawěšk

nowostki LND