Hody w zwěrjencu
Biskopicy. Patoržicu dóstanu tež wopicy, ptački, mjedwjedź a mnohe dalše zwěrjata Biskopičanskeho coowa wot swojich hladarjow hodowny dar. Wopytowarjo móža wobradźenju w 10 hodź. přihladować. Wosebje woblubowane su morcheje mjez wujkami, syno mjez alpakami a sad mjez wšěmi tamnymi 200 zwěrjatami.
Wosebite wodźenje dožiwić
Budyšin. W Budyskim wopomnišću poskićeja kónc lěta wosebite wodźenja po wustajeńcach. Wot soboty, 22. decembra, do njedźele, 30. decembra, je wopomnišćo kóždy dźeń wot 10 do 18 hodź. přistupne. W 11 a 14 hodź. su darmotne wodźenja. Přizjewjenja žane trěbne njejsu.
Wo zymskich nałožkach
Budyšin. W scenisko-koncertantnym programje „Zymski čas“ z orchestrom, chórom a baletom Serbskeho ludoweho ansambla zjednoća wuměłcy najrjeńše twórby adwentneho časa ze zymskimi nałožkami Serbow. Program dožiwić móžeće jutře, 22. decembra, na žurli SLA w Budyšinje. Započatk je w 17 hodź.
Dźeń krótkofilma
Budyšin. Jutře, 22. decembra, wotměje so w Budyšinje prěni króć zarjadowanje MiK Movie, a to we wobłuku mjezynarodneho dnja krótkofilma na žurli TiK.
