Hižo předloni bě so pola FC Energije Choćebuz do hód mócnje kuriło, jako so trenar Claus-Dieter Wollitz po njedorozumjenjach z wjednistwom koparskeho kluba z Delnjej Łužicu rozžohnowa, zo by w Magdeburgu wo durje klepał. Lěto pozdźišo, krótko do hód, dyrbještaj prezident a wiceprezident kluba Matthias Auth a dr. Andreas Harnath zastojnstwo złožić. Tež Georg Kapplinghaus, třeći zamołwity w prezidialnym kruhu, je so na swójske přeće rozžohnował.