Hišće je had-pyton małki, štož dźěło hladarkow Wojerow­skeje coologiskeje zahrody trochu wolóža. Při­wšěm jeho dokładnje wuměrjeja a waža. Družina kralow­ska pyton móže samo dołhosć něhdźe dweju metrow docpěć, hač­runjež tak přeco hišće k mjeńšej družinje hadow słuša. Swoju domiznu ma w centralnej a zapadnej Africe.Fota: Wojerowska coologiska zahroda/Stefanie Jürß
Tež ješćerja (Echse) z wo­sob­nym kornarjom přepytuja. W Aw­stralskej zadomjene zwěrjo móže hač do jednoho metra wulke być.We Wojerecach maja tohoru­nja wšelake družiny wowcow, kotrež dyrbja wažić a wjacore hódnoty do statistiki zapiso­wać. Tale wowcka přisłuša družinje Ouessant, po cyłej Europje najmjeńšej. Na spočatku lěta předewzaća, wobchody a kupnicy zwěsćeja, što wšo tam na składźe a na polcach maja. Fachowy wuraz za to mjenujemy inwentura. A tajku přewjedźechu sobu­dźěłaćerjo Wojerowskeje coologiskeje zahrody tež nastupajo swoje zwěrjata. Wšako maja wědźeć, wo kelko z nich dokładnje so tam wšědnje sta­raja. Tak su swojich wobydlerjow wažili, wuměrili a přepytowali.